ఆంధ్ర ప్రదేశ్ రాజకీయాల్లో ఇటీవల జరిగిన పరిణామాల్లో, జనసేన పార్టీ ప్రధాన కార్యదర్శి నాగబాబు ఎమ్మెల్యే కోటా ఎమ్మెల్సీగా నియమితులయ్యారు. ఈ నియామకం ఆయనకు మంత్రి పదవి దక్కే అవకాశాలను మరింత బలపరిచింది. నాగబాబు నియామకం జనసేన పార్టీకి కీలకమైన సమయం లో జరిగింది. ముఖ్యమంత్రి చంద్రబాబు నాయుడు, జనసేన అధినేత పవన్ కల్యాణ్ మధ్య జరిగిన సమావేశంలో, ఎమ్మెల్యే కోటా ఎమ్మెల్సీ స్థానంలో నాగబాబు పేరును ఖరారు చేశారు.
ఈ నిర్ణయం ఆయనకు మంత్రి పదవి దిశగా ముందడుగు అని రాజకీయ విశ్లేషకులు భావిస్తున్నారు. నాగబాబు నియామకం పార్టీ లో అంతర్గత సమతుల్యతను సూచిస్తుంది. ప్రస్తుతం మండలిలో జనసేన తరపున పిడుగు హరిప్రసాద్ ఎమ్మెల్సీగా ఉన్నారు. ఇప్పుడు నాగబాబును ఎమ్మెల్సీగా నియమించడం, అదే సామాజిక వర్గానికి మరింత ప్రాధాన్యత ఇవ్వడాన్ని సూచిస్తుంది. ఇది పార్టీ లో సామాజిక సమతుల్యతను నిలబెట్టే ప్రయత్నంగా భావించవచ్చు.
నాగబాబు నియామకం తర్వాత, ఆయనకు మంత్రి పదవి దక్కే అవకాశాలు పెరిగాయి. ఇప్పటికే జనసేన నుండి పవన్ కల్యాణ్, కందుల దుర్గేష్ మంత్రివర్గంలో ఉన్నారు. నాగబాబుకు మంత్రి పదవి ఇస్తామని ప్రకటించడంతో, జనసేనకు మూడో మంత్రి పదవి కూడా దక్కనుంది. ఇది పార్టీ శ్రేణులకు ఉత్సాహాన్ని నింపుతుంది. మొత్తం మీద, నాగబాబు నియామకం జనసేన పార్టీకి ఆంధ్ర ప్రదేశ్ రాజకీయాలకు కీలకమైన పరిణామం. మరి నాగబాబు అధికారంలో భాగమైన అనంతరం ఎలాంటి అడుగులు వేస్తారో చూడాలి.
మెగా బ్రదర్ నాగబాబుకు ముఖ్యమైన కార్పొరేషన్ ఛైర్మన్‌ పదవి ఇస్తారనే ప్రచారం జరుగుతోంది. ఏపీ ఉప ముఖ్యమంత్రి పవన్ కళ్యాణ్ కోరిక మేరకు ఆయన్ను ఎమ్మెల్సీని చేసి కేబినెట్‌లోకి తీసుకోవాలని భావించారు. ఎమ్మెల్యే కోటా ఎమ్మెల్సీ పదవుల్లో ఒక స్థానం ఇస్తారనుకున్నారు. మారిన పరిస్థితులతో నాగబాబుకు కేబినెట్ హోదా ఉండే కార్పొరేషన్ ఛైర్మన్‌ పదవి అయితే బావుంటుందని పవన్ కళ్యాణ్ అభిప్రాయాన్ని వ్యక్తం చేసినట్లు తెలుస్తోంది. ఎంపీ పదవి వచ్చేలోపు.. రాష్ట్రంలో విస్తృతంగా పర్యటించేలా కీలకమైన కార్పొరేషన్ ఛైర్మన్‌ పదవిలో నియమించనున్నట్లు సమాచారం.
జనసేన అధినేత పవన్ కళ్యాణ్ ఒక కీలక రాజకీయ నిర్ణయం తీసుకున్నారు. ఆయన సోదరుడు నాగబాబు ఎమ్మెల్సీ కాకుండా రాజ్యసభకు పంపాలనే నిర్ణయానికి వచ్చారు. మొదట ఆయనకు ఎమ్మెల్సీ పదవి కేటాయించాలని కూటమి అంగీకరించినా, పవన్ తన ఆలోచన మార్చుకున్నారు. భవిష్యత్ రాష్ట్ర రాజకీయ సమీకరణలను దృష్టిలో ఉంచుకుని కీలక నిర్ణయం తీసుకున్నట్టు సమాచారం. పార్టీ భవిష్యత్ వ్యూహాన్ని దృష్టిలో ఉంచుకుని, ముఖ్యంగా జనసేనకు సామాజిక సమతుల్యతను అందించేందుకు ఈ మార్పు అవసరమని పవన్ భావించినట్టు తెలుస్తోంది.
గతంలోనూ నాగబాబు రాజ్యసభ స్థానాన్ని ఆశించారు. కానీ అప్పటి పరిస్థితులు అనుకూలించకపోవడంతో, ఆయనకు ఎమ్మెల్సీ పదవి ఇచ్చి, మంత్రివర్గంలోకి తీసుకుంటామని హామీ ఇచ్చారు. కానీ ఇప్పుడు పరిస్థితులు మరో మలుపు తిరిగాయి. రాష్ట్ర రాజకీయ సమీకరణాలు మారాయి. ఇటీవల వైఎస్ఆర్సీపీ రాజ్యసభ సభ్యుడు విజయసాయి రెడ్డి రాజీనామా చేయడంతో ఆ స్థానం ఖాళీ అయింది. ఆ స్థానాన్ని బీజేపీకి కేటాయిస్తారనేనే ప్రచారం మొదలైంది. అయితే జనసేన వర్గాల్లో మాత్రం నాగబాబుకు ఆ అవకాశం ఇవ్వాలనే వాదన బలంగా వినిపిస్తోంది.
కేబినెట్ హోదా ఉండే కార్పొరేషన్ పదవిని నాగబాబుకు కేటాయించే అవకాశం ఉందని తెలుస్తోంది. రాష్ట్రం మొత్తం తిరుగుతూ, పర్యావరణానికి అనుకూలంగా ఉండే పదవిని నాగబాబుకు ఇవ్వమని ముఖ్యమంత్రి చంద్రబాబును పవన్ కళ్యాణ్ కోరినట్టు సమాచారం.
