నందమూరి ఫ్యామిలీ నుంచి మరో వారసుడిగా తెరపైకి రావాల్సిన మోక్షజ్ఞ తేజ ఎంట్రీపై చాలా కాలంగా ఎదురుచూపులే. బాలకృష్ణ తనయుడిగా ప్రేక్షకుల్లో విపరీతమైన అంచనాలు ఏర్పడినా, ఇప్పటివరకు ఎలాంటి సినిమా ప్రారంభం కాలేదు. అయితే తాజాగా బాలకృష్ణ-మోక్షజ్ఞ కాంబినేషన్‌పై కీలక సమాచారం బయటకు వచ్చింది.మొదట మోక్షజ్ఞ డెబ్యూ మూవీకి ప్రశాంత్ వర్మ దర్శకత్వం వహిస్తాడని అధికారికంగా ప్రకటించారు. అయితే సినిమా ప్రారంభం గురించి ఎన్నో వార్తలు వచ్చినా ఇప్పటివరకు షూటింగ్ ప్రారంభం కాలేదు. దీంతో పలు అనుమానాలు తెరపైకి వచ్చాయి. అయితే బాలకృష్ణ ఈ ప్రాజెక్టుపై సైలెన్స్ పాటిస్తున్నా, దీనిపై త్వరలో స్పష్టత వచ్చే అవకాశముంది.
ఇక మరోవైపు, బాలయ్య సూపర్ హిట్ మూవీ ‘ఆదిత్య 369’ సీక్వెల్ గురించి దర్శకుడు సింగీతం శ్రీనివాసరావు తాజాగా మాట్లాడారు. ఈ కథను బాలకృష్ణే స్వయంగా తెరకెక్కించాలనుకుంటున్నట్లు వెల్లడించారు. అంటే, మోక్షజ్ఞను ఇండస్ట్రీకి పరిచయం చేయాలన్న బాలయ్య ఆలోచనలో మార్పులు జరిగే సూచనలు కనిపిస్తున్నాయి. బాలయ్యే ఈ సీక్వెల్‌ను డైరెక్ట్ చేస్తారనే ఊహాగానాలు వినిపిస్తున్నాయి.ఇప్పటికే ‘ఆదిత్య 369’ సినిమాకు స్క్రిప్ట్ సిద్ధంగా ఉందని, ప్రాజెక్టును మళ్లీ మొదలుపెట్టాలని బాలకృష్ణ ఆసక్తిగా ఉన్నట్టు టాక్. ఈ సినిమా రీ రిలీజ్ అయిన సందర్భంగా కూడా మంచి రెస్పాన్స్ రావడంతో సీక్వెల్‌పై ఆసక్తి పెరిగింది. మరి మోక్షజ్ఞ ఎంట్రీ ఆ సినిమా ద్వారానేనా? లేదా వేరే కథతోనా అన్నది త్వరలో తేలనుంది. అభిమానులు మాత్రం ఆయన తెరపై ఎప్పుడొస్తారో తెలుసుకోవాలనే ఆసక్తితో ఎదురుచూస్తున్నారు.
నందమూరి బాలకృష్ణ త‌న‌యుడు మోక్షజ్ఞ ఎంట్రీ కోసం నందమూరి అభిమానులు క‌ళ్ల‌ల్లో ఒత్తులు వేసుకొని మ‌రీ ఎదురు చూస్తున్నారు. ప్రశాంత్ వర్మ డైరెక్షన్ లో మోక్షజ్ఞ సినిమాను అనౌన్స్ చేసిన ఈ సినిమా షూటింగ్ పలు కార‌ణాల వ‌ల‌న ఆగిపోయింద‌ని తెలుస్తుంది. కార‌ణాలు అయితే ఇప్పటి వ‌ర‌కు బయటకు రాలేదు. సోషల్ మీడియాలో చ‌క్క‌ర్లు కొడుతున్న వార్త‌ల ప్ర‌కారం ప్రశాంత్ వర్మ ఈ ప్రాజెక్ట్ నుంచి ఔట్ అయ్యాడని, అందుకే సినిమా ఆగిపోయింద‌ని టాక్ గట్టిగా వినిపించింది. కాని ఇంత వరకూ అఫీషియల్ గా మాత్రం ఏ విషయం బయటకు రాలేదు.మంచి కథను రెడీ చేశారని తెలుస్తోంది. ఈ కథ బాలయ్య కూడా విన్నారని ..దాంతో వెంకీతో మోక్షజ్ఞ సినిమా ఫిక్స్ అయినట్టు సమాచారం. మరోవైపు బాలయ్య సూపర్ హిట్ మూవీ ఆదిత్య 369 సీక్వెల్ తో మోక్షజ్ఞ.. హీరోగా ఎంట్రీ ఇస్తారని అప్పట్లో ప్ర‌చారం జ‌రిగింది. తాజాగా ఆ విషయంపై ఆదిత్య 369 డైరెక్టర్ సింగీతం శ్రీనివాసరావు స్పందించారు. తమ మూవీ సీక్వెల్ కోసం అంతా ఎంతో ఆసక్తిగా ఎదురుచూస్తున్నారని మాకు తెలుసు. అందుకే స్క్రిప్ట్ కూడా సిద్ధం చేశాం. ఆదిత్య 369 సీక్వెల్ తో బాలయ్య.. మోక్షును ఇండస్ట్రీకి పరిచయం చేయాలని అనుకుంటున్నారు.
ఎప్పటికైనా సీక్వెల్ చేయాలని మాత్రం బాలయ్య మ‌న‌సులో ఉంది. అంటే సింగీతం శ్రీనివాసరావు ద‌ర్శ‌క‌త్వంలో ఆదిత్య 369 సీక్వెల్ ఉంటుంద‌ని అర్ధ‌మ‌వుతుంది. అయితే వెంకీ అట్లూరి మోక్షజ్ఞ కోసం ప్రత్యేకంగా ఒక స్టోరీ సిద్ధం చేసినట్లు సమాచారం. బాలకృష్ణ కూడా ఈ సినిమా స్టోరీ వినాల‌నుకుంటున్నార‌ని, కథ నచ్చితే వెంటనే సినిమా షూటింగ్ పనులు ప్రారంభం అవుతాయని తెలుస్తుంది. ఈ సినిమాలో మోక్షజ్ఞ లవర్ బాయ్ పాత్రలో కనిపించబోతున్నారని సమాచారం. ఇలా మోక్షజ్ఞ సినిమాకు సంబంధించి తరచూ ఏదో ఒక వార్త వస్తున్నప్పటికీ ఆయన ఏ సినిమాతో ప్రేక్ష‌కుల ముందుకు వ‌స్తార‌నేది స‌స్పెన్స్‌గా మారింది.
