సూపర్ హిట్స్ తో దూసుకుపోతున్న రష్మిక మందన్నా, ఇప్పుడు 400 కోట్ల భారీ బడ్జెట్‌తో తెరకెక్కుతున్న సికందర్ సినిమాతో త్వరలోనే ప్రేక్షకుల ముందుకు రానుంది. యానిమల్ (900 కోట్లు), పుష్ప 2 (1800 కోట్లు), ఛావా (600 కోట్లు) వంటి బ్లాక్‌బస్టర్లతో ఆమె తన స్టార్ స్టేటస్‌ను మరింత పెంచుకుంది. అయితే సికందర్ మాత్రం రష్మిక ఈ విజయ పరంపరను కొనసాగిస్తుందా? లేక సినిమా ఫలితంపై బాలీవుడ్‌లో ఆమె స్థాయిని ప్రభావితం చేస్తుందా అనే అనుమానాలు వ్యక్తమవుతున్నాయి.
సికందర్ చిత్రాన్ని సల్మాన్ ఖాన్ ప్రధాన పాత్రలో ఏఆర్ మురుగదాస్ దర్శకత్వం వహిస్తున్నాడు. మాస్ ఎంటర్‌టైనర్‌గా తెరకెక్కుతున్న ఈ సినిమాకు భారీ అంచనాలే ఉన్నప్పటికీ, మొదటి టీజర్ విడుదలైనప్పటి నుంచే నెగటివ్ టాక్ వినిపిస్తోంది. మురుగదాస్ గత సినిమాల కంటే ఈ కథ అంతా కొత్తగా లేదని, రొటీన్ ఫార్మాట్‌లోనే సాగుతోందని ప్రేక్షకులు భావిస్తున్నారు.
అలాగే, సల్మాన్ లుక్‌పై కూడా విమర్శలు వెల్లువెత్తుతున్నాయి. వీఎఫ్ఎక్స్ ఎక్కువగా ఉపయోగించడంతో సల్మాన్ ఫిజిక్ చాలా నేచురల్‌గా లేదని, ఇది ప్రేక్షకులకు అసహనంగా మారుతుందని టాక్ వినిపిస్తోంది. తాజాగా విడుదలైన జొహ్రా జబీన్ సాంగ్ సినిమాపై ఉన్న నెగటివ్ బజ్‌ను మరింత పెంచింది. ఈ పాటలో రష్మిక గ్లామర్ షోకే ఎక్కువ ప్రాధాన్యత ఇచ్చారని, ఆమె పాత్రకు పెద్దగా స్కోప్ లేకపోవడం అభిమానులను నిరాశపరిచింది.
యానిమల్, పుష్ప 2, ఛావా వంటి సినిమాల్లో రష్మిక పాత్రలకు మంచి డెప్త్ ఉండగా, సికందర్లో ఆమె కేవలం కమర్షియల్ ఎలిమెంట్‌గా మాత్రమే ఉన్నట్లు కనిపిస్తోంది. ఇది బాలీవుడ్‌లో ఆమె స్టేటస్‌ను ప్రభావితం చేసే అవకాశముందనే ఆందోళన వ్యక్తమవుతోంది. సల్మాన్ ఖాన్ సినిమాలకు బలమైన ఓపెనింగ్స్ వస్తాయి. కానీ ఈసారి సికందర్ పై బిల్డ్ అయిన నెగటివ్ టాక్ మొదటి రోజునే ప్రభావం చూపించేలా కనిపిస్తోంది.
ఇంకా సినిమా విడుదలకు మూడు వారాల సమయమే ఉన్నందున, మేకర్స్ ట్రైలర్‌తోనే ప్రేక్షకుల అభిప్రాయాన్ని మార్చాలి. రష్మిక ఇప్పటికే బాలీవుడ్‌లో ఓ స్థాయిని సొంతం చేసుకున్నా, సికందర్ వంటి సినిమాలు ఆమె కెరీర్‌పై ప్రతికూల ప్రభావం చూపించే ప్రమాదముందని ట్రేడ్ విశ్లేషకులు భావిస్తున్నారు. సికందర్ హిట్ అయితే ఓకే, లేకపోతే రష్మిక బాలీవుడ్ రేంజ్‌కు డ్యామేజ్ అవ్వడం ఖాయమనే అభిప్రాయం వ్యక్తమవుతోంది.
పాన్ ఇండియా హీరోయిన్ గా దేశవ్యాప్తంగా ఇప్పుడు రష్మిక హవా నడుస్తోంది. ‘పుష్ప 2’ మూవీలో ఆమె నటనకు ప్రశంసలు లభించిన విషయం తెలిసిందే. ఈమూవీ దాదాపు 2 వేల కోట్ల కలక్షన్స్ మూవీగా మారి కొన్ని నెలల గ్యాప్ కూడ తీసుకోకుండానే లేటెస్ట్ గా విడుదలైన ‘ఛావ’ కలక్షన్స్ వర్షం కురిపిస్తోంది. ఈమూవీలో కూడ రష్మిక నటనకు మంచి ప్రశంసలు లభిస్తున్నాయి.
మరొకవైపు దేశవ్యాప్తంగా ఆమెకు ఏర్పడిన క్రేజ్ రీత్యా రష్మికకు 5 కోట్లకు పైగా పారితోషికం ఇవ్వడానికి నిర్మాతలు క్యూ కడుతున్నారు అంటే ఆమె మ్యానియా ఏస్థాయిలో ఉందో అర్థం అవుతుంది ఇండియన్ ఫిలిం ఇండస్ట్రీ గోల్డెన్ లెగ్ హీరోయిన్ గా మంచి క్రేజ్ లో ఉన్న ఈమె అదృష్టం పై బాలీవుడ్ టాప్ హీరో సల్మాన్ ఖాన్ ఇప్పుడు ఆశలు పెట్టుకున్నట్లుగా వార్తలు వస్తున్నాయి.
ఒకప్పుడు 1000 కోట్ల కలక్షన్స్ హీరోగా పేరు గాంచిన సల్మాన్ ఖాన్ ప్రస్తుతం వరస ప్లాప్ లతో సతమతమైపోతూ తన క్రేజ్ ను అంతా పోగొట్టుకున్నాడు. ఒకప్పుడు రంజాన్ సీజన్ హీరోగా జండస్ట్రీ రికార్డ్ లు క్రియేట్ చేసిన ఈ కండల వీరుడు సినిమాల పై సగటు ప్రేక్షకులలో పెద్దగా ఆశక్తి లేదు. ఇలాంటి పరిస్థితులలో మురగా దాస్ దర్శకత్వంలో సల్మాన్ హీరోగా నటిస్తున్న ‘సికిందర్’ మూవీ ఏప్రియల్ లో రాబోతున్న రంజాన్ పండుగనాడు విడుదల కావలసి ఉంది.
దర్శకుడు మురగ దాస్ త్వరలో రాబోతున్న రంజాన్ సీజన్ కు ఈమూవీని విడుదలచేయాలని ఎన్ని ప్రయత్నాలు చేసినప్పటికీ ఈ మొవ్వవ గ్రాఫిక్ వర్క్స్ లో జరుగుతున్న ఆలస్యం వల్ల ‘సికిందర్’ కు రంజాన్ సీజన్ కు రావడం కష్టమే అన్న వార్తలు బాలీవుడ్ మీడియా వ్రాస్తోంది. దీనితో రష్మిక అదృష్టం సల్మాన్ ఖాన్ ‘సికిందర్’ ను రక్షించి తిరిగి తమ హీరోను టాప్ హీరోగా నిలబెదుతుందని సల్మాన్ అభిమానులు ఆశపడుతున్నారు..
